Hindistanda əczaçılıq zavodunda partlayış: 17 nəfər ölüb

Hindistanda əczaçılıq zavodunda partlayış: 17 nəfər ölüb, daha 40 nəfər yaralanıb. Bu barədə Reuters məlumat yayıb.

Rəsmilər Scientia Company-də baş verən insidentin səbəbinin zavodda elektrik enerjisinin kəsilməsi ilə bağlı olduğunu ehtimal edir. Andhra Pradeş hökuməti araşdırma aparılmasına göstəriş verib.

Bildirilir ki, zavodda ümumilikdə 380-ə yaxın işçi çalışır. Onların bir çoxu partlayışın nahar fasiləsi zamanı baş verdiyi üçün hadisə yerini vaxtında tərk edə bilib.

Hadisə yerində yanğınsöndürənlər, xilasedicilər və təcili yardım briqadaları işləyir.

Eltun Məmmədov