İsrail İrandan bir neçə güclü raket və dron hücumu dalğası gözləyir

İsrail İrandan bir neçə güclü raket və dron hücumu dalğası gözləyir. Hücum bir neçə gün davam edə bilər.

Bu barədə İsrail hökumətindəki mənbəyə istinadən NBC telekanalı məlumat yayıb.

Bu arada “Wall Street Journal” yazır ki, İran Fələstinin HƏMAS hərəkatının Siyasi Bürosunun rəhbəri İsmayıl Haniyənin Tehranda öldürülməsinə münasibətini yumşaltmaqdan imtina edib və İsrailə cavab zərbələri endirmək niyyətindədir.

Nəşrin mənbələrinə görə, ABŞ müttəfiqlərindən vəziyyəti gərginləşdirməmək üçün İrana siqnal göndərməyi xahiş edib. Birləşmiş Ştatlar İranın təmkin nümayiş etdirdiyi təqdirdə İranın yeni prezidentinin Qərb ölkələri ilə əlaqələri yaxşılaşdırmaq səylərinin daha çox şans qazanacağına işarə edib.

Eltun Məmmədov