SEPAH generalı İsraili hədələdi

SEPAH generalı İsraili hədələdi: “Qonağın qanını tökməyin ağır cəzası var”.

SEPAH-ın Aerokosmik Qüvvələrinin komandanı general-mayor Əmir Əli Hacızadə HƏMAS-ın Siyasi Bürosunun rəhbəri İsmayıl Həniyənin Tehranda qətlə yetirilməsinə reaksiya verərək deyib:
"Evimizdə qonağın qanını tökməyin cəzasının nə olduğunu sionistlərə bildirməyə hazır olun”.

Məlumata görə, SEPAH generalı çıxışında HƏMAS liderinin qısasının alınacağını və bu dəfə İsrailə daha çox raketlərlə hücum ediləcəyini açıqlayıb.

"Mən və silahdaşlarım səbirsizliklə ikinci əməliyyatın vaxtının başlamasını gözləyir, bu əməliyyatda isə İsrailə nə qədər raket buraxılacağını bilmirəm",- deyə, Əmir Əli Hacızadə vurğulayıb.

Eltun Məmmədov