Qusarda "Tiktok" videosu çəkən sürücü ağır qəza törədib

Qusarda yük maşını minik avtomobili ilə toqquşub, minik avtomobilinin sürücüsü hadisə yerində ölüb.


"Ulusum"un Şimal bürosunun məlumatına görə, Qusar rayonunun Əcəxuroba kəndi ərazisində "Tiktok" platforması üçün video çəkən rayon sakini 1995-ci il təvəllüdlü Albert Xaspoladov ağır qəza törədib.

O, video çəkən zaman "VAZ 2107" markalı minik avtomobili ilə qəfil əks zolağa manevr etdiyindən 1997-ci il təvəllüdlü Pərviz Eyvazovun idarə etdiyi "Ford" markalı yük avtomobili ilə toqquşub.

Nəticədə Albert Xaspoladov aldığı ağır bədən xəsarətlərindən hadisə yerində ölüb.

Hadisə ilə bağlı araşdırmalar davam etdirilir.

Xanlar Qaraca.