İstirahətə gedən ailə Şabranda avtoqəzaya düşüb

Bakı-Quba-Rusiya ilə dövlət sərhədi yolunun Şabrandan keçən hissəsində xəsarətlə nəticələnən yol-nəqliyyat hadisəsi baş verib.


"Ulusum"un Şimal bürosunun məlumatına görə, yük maşını (TIR) yolda hərəkətdə olan zaman eyni istiqamətdə hərəkətdə edən "VAZ-21099" markalı minik avtomobilinə arxadan çırpılıb.

Hadisə zamanı avtomobildə olan Tərtər rayon sakinləri – 1975-ci il təvəllüdlü Əliyev Eldar Məmmədəli oğlu, 1984-cü il təvəllüdlü Əliyeva Aygün Rəhbət qızı, 2007-ci il təvəlludlü L. Əliyeva, 2008-ci il təvəllüdlü E. Əliyev, 2010-cu il təvəllüdlü H.Heybətov müxtəlif dərəcəli bədən xəsarəti alıblar.

Yaralılar təcili tibbi yardım briqadaları ilə xəstəxanaya çatdırılıblar.
Onların Xaçmaza istirahətə getdikləri bildirilir.

Faktla bağlı araşdırma aparılır.

Xanlar Qaraca.