Banqladeşdə minlərlə tələbə ilə silahlı polis arasında qarşıdurma baş verib - VİDEO

Banqladeşin paytaxtı Dəkkədə hökumətin kvota əleyhinə nümayişləri yatırmaq üçün bəzi mobil internet xidmətlərini dayandırmasından sonra çubuq və daşla silahlanmış minlərlə tələbə ilə silahlı polis arasında qarşıdurma baş verib.

Rəsmilər bildiriblər ki, Dəkkədə polis ilə qarşıdurmada həlak olanlar var. Məlumata görə, yüzlərlə insan yaralanıb.

Qeyd edək ki, ümummilli etirazlara səbəb gənclər arasında işsizliyin yüksək səviyyədə olmasıdır: ölkənin 170 milyon əhalisinin, demək olar ki, beşdə biri işsiz və ya təhsilsizdir.

Xatırladaq ki, Banqladeşdə tələbə etirazları bu ayın əvvəlində Ali Məhkəmənin Banqladeşdə 1971-ci il Müstəqillik müharibəsində azadlıq döyüşçülərinin qohumları üçün 30% məşğulluq kvotasını bərpa etmək qərarına gəlməsindən sonra başlayıb.

Eltun Məmmədov