Oğuzda aptek, baytarlıq apteki və geyim mağazasında yanğın baş verib

Oğuzda aptek, baytarlıq apteki və geyim mağazasında yanğın baş verib

Oğuz rayonunda apteklərin və geyim mağazasının olduğu obyekt yanıb.

Ulusum.az xəbər verir ki, yanğın hadisəsi bu gün səhər saatlarında, rayonun Kərimli kəndində qeydə alınıb.

Belə ki, kənd ərazisində yerləşən aptek, baytarlıq apteki və geyim mağazasının da daxil olduğu ümumi sahəsi 170 m² olan obyektin söndürülməsi üçün əraziyə Oğuz Yanğından Mühafizə Hissəsinin yanğınsöndürən texnikası və şəxsi heyəti cəlb olunub.

Yanğın zamanı aptek və içərisindəki dərman pereparatlarının böyük bir hissəsi yanıb. Geyim mağazası və baytarlıq aptekinin də tavan hissəsinə ziyan dəyib. Yanğın zamanı xəsarət alan olmayıb.

Faktla bağlı araşdırma aparılır.

Eltun Məmmədov