Almaniyada Lürssen gəmiqayırma zavodu yanır - VİDEO

Almaniyada Lürssen gəmiqayırma zavodu yanır, 300-ə yaxın yanğınsöndürən hadisə yerinə cəlb olunub. Bu barədə Rendsburq dairəsinin yanğınsöndürmə idarəsinin nümayəndələri məlumat verib.

NDR telekanalının məlumatına görə, sexdəki yaxta da yanıb.

“Hazırda 300-ə yaxın təcili yardım işçisi var. Yanğının qarşısı alınıb və alov digər tikililərə keçməyib”, - deyə məlumatda bildirilir.

İlkin məlumata görə, yanğın nəticəsində bir nəfər xəsarət alıb. Şaxt-Audorf icmasının yaxınlıqdakı ərazilərinin 30-a yaxın sakini tüstülənmə səbəbindən təxliyə edilib. Gəmiqayırma zavodunun binasında dam örtüyü və fasadın bir hissəsi dağılıb, partlayış səsləri də eşidilib.

Eltun Məmmədov