Rusiyaya PUA hücumu olub, yaralananlar var

Krasnodar vilayətində pilotsuz təyyarənin hücumu nəticəsində 4 mülki şəxs yaralanıb.

SHOT-un məlumatına görə, Krasnodarda “Yujnı” avtovağzalının yaxınlığında dağıntılar nəticəsində bir neçə avtobus və stansiya binası zərər görüb. Qazanxana da sıradan çıxıb. Ən azı 4 nəfər xəsarət alıb və onlara tibbi yardım göstərilir.

İlski Neft Emalı Zavodunun ərazisində isə pilotsuz təyyarənin qəzaya uğraması və yanğın nəticəsində daha 2 nəfər xəsarət alıb. Yardımçı tikililərə ziyan dəyib, yanğın artıq söndürülüb.

Eltun Məmmədov