Tovuzda yük maşını dərəyə aşıb - FOTOLAR

Tovuz rayonunun, Yuxarı Öysüzlü kəndi ərazisində "Shacman" markalı yük avtomobili dərəyə aşıb. FHN-nin xilasediciləri hadisə yerinə cəlb olunub.

Ulusum.az-ın Qərb bürosunun məlumatına görə, xilasedicilər yük maşınında sıxılı vəziyyətdə qalan sürücü 1989-cu il təvəllüdlü, Bakı sakini, Nurməmmədov Elbrus Məhəmməd oğlunu avtomobildən çıxarıblar. Sürücünün vəziyyəti ağırdır.

Qeyd edək ki, avtomobil özəl şirkətə məxsus daş karxanasından daş daşıyırmış. Hadisə xidməti ərazidən kənar məkanda qeydə alınıb. Hadisənin baş vermə səbəbləri araşdırmadan sonra məlum olacaq.