Lerikdə uçqun zamanı bağlı qalan yol qismən açılıb - VİDEO EKSKLÜZİV

Lerikdə uçqun zamanı bağlı qalan yol qismən açılıb.

Ulusum.az-ın məlumatına görə, keçən müddət ərzində yerli sakinlər və yol idarəsi tərəfindən görülən işlər nəticəsində Çayrud kəndinə gedən yol qismən bərpa olunub. Bu barədə Lerik rayon Çayrud kəndi üzrə icra nümayəndəsi İlkin Hüseynov bildirib. Nümayəndənin sözlərinə görə bu gün səhər saatlarından görülən işlər nəticəsində yol qismən açılıb. Amma yola düşən daşı yerindən tərpənmək mümkün olmayıb. "Bunun üçün xüsusi texnika lazımdır. Rayon icra hakimiyyətinin müraciəti əsasında həmin texnikanın rayona gətirilməsi gözlənilir".

Qeyd edək ki, ərazidə təhlükəli vəziyyət hələ də qalmaqdadır. Buna görə də ərazidə təhlükəsizlik tədbirləri görmək üçün polis növbəli xidmət aparır.

Eltun Məmmədov