Sudanda qızıl mədəni faciəsi: 6 ölü, 20-dən çox insan dağıntı altında

Sudanın şimalındakı Um Aud bölgəsində qızıl mədəninin çökməsi nəticəsində 6 nəfər həyatını itirib, ən azı 20 nəfərin isə dağıntılar altında qaldığı bildirilir. Rəsmilər axtarış-xilasetmə işlərinin davam etdiyini açıqlayıblar.

Ölkədə təhlükəsizlik tədbirlərindən məhrum kiçikmiqyaslı mədənlərdə tez-tez oxşar qəzalar baş verir. Sudan Afrikanın ən böyük qızıl istehsalçılarından biri olsa da, hasilatın mühüm hissəsi qeyri-qanuni şəkildə həyata keçirilir.

2023-cü ilin aprelindən bəri ordu ilə yarımhərbi Sürətli Dəstək Qüvvələri (RSF) arasında gedən toqquşmalar yüz minlərlə insanın ölümünə, milyonlarla şəxsin isə köçkün düşməsinə səbəb olub. Qızıl ticarəti isə tərəflərin müharibəni maliyyələşdirməsində həlledici rol oynayır.

Ulusum.az