Əfsanəvi modelyer Corco Armani vəfat etdi

İtaliyanın AGI agentliyi xəbər verir ki, 91 yaşlı əfsanəvi modelyer Corco Armani dünyasını dəyişib. O, iyunda sətəlcəm, daha sonra isə bronxit keçirmişdi. Ağır xəstəlik səbəbindən Armani iyirmi ildən sonra ilk dəfə olaraq Giorgio Armani Privé “Payız–qış 2025–2026” kolleksiyasının Parisdəki təqdimatına qatıla bilməmişdi.

Buna baxmayaraq, kuryer şounun hər detalını videobağlantı vasitəsilə şəxsən idarə etdiyini məktubunda vurğulamışdı.

Armani 11 iyulda 91 yaşını qeyd etmişdi. O, 40 ildən çox əvvəl yaratdığı moda evinə sonadək sadiq qalıb və dünyada ən yaşlı kuryelərdən biri hesab olunurdu. Bir neçə həftə əvvəl onda ağciyər infeksiyası aşkarlanmışdı, məhz bu xəstəlik onun ölümünə səbəb olub.

Mərhum modelyerin dəfn mərasimi qapalı şəkildə keçiriləcək. Vida mərasimi isə 6–7 sentyabrda Milan şəhərində, “Armani” teatrının binasında təşkil olunacaq.

Ulusum.az