Pensilvaniyada metallurgiya zavodunda güclü partlayış - VİDEO

11 avqust səhər saatlarında ABŞ-ın Pensilvaniya ştatının Klerton şəhərində metallurgiya zavodunda güclü partlayış baş verib.

Amerikanın KİV-ləri bildirir ki, bir neçə nəfər xəsarət alıb və Clairton Coke Works zavodunun üzərində qalxan tüstü buludlarının görüntülərini yayıblar. Hazırda xəsarət alanların dəqiq sayı və dağıntıların miqyası barədə məlumat yoxdur.

Zavod ABŞ-ın U.S. Steel korporasiyasına məxsusdur və metallurgiyada istifadə olunan daşkömür koksu istehsalına ixtisaslaşıb. XX əsrin əvvəllərindən fəaliyyət göstərən bu müəssisədə təxminən 1,2 min nəfər çalışır.



Ulusum.az