ABŞ-da Koloradodakı meşə yanğını səbəbindən həbsxana təxliyə edildi

ABŞ-ın Kolorado ştatında tarixdəki ən böyük meşə yanğınlarından biri səbəbindən həbsxana təxliyə edilib. Bu barədə NBC News telekanalı Kolorado Cəzaçəkmə İdarəsinə istinadən məlumat yayıb.

Məlumatda bildirilir ki, 179 məhkum “artıq ehtiyat tədbiri” olaraq təhlükəsiz şəkildə çıxarılıb.

NBC News-un məlumatına görə, 167 kvadrat mil (432 kvadrat kilometr) ərazini əhatə edən “Li” yanğını artıq ştat tarixində altıncı ən böyük yanğın hesab olunur. Yanğınla mübarizədə min nəfərdən çox yanğınsöndürən iştirak edir.

Ulusum.az