Günəş oyanır: Avqustda dördüncü partlayış

Günəşdə avqust ayı ərzində artıq dördüncü dəfə M sinfinə aid güclü partlayış qeydə alınıb. Bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası öz rəsmi “Telegram” kanalında məlumat yayıb.

Məlumata görə, 5 avqust saat 07:00-da (Bakı vaxtı ilə) Günəşin 4168 nömrəli fəallıq sahəsində M sinfinə aid daha bir işartı müşahidə edilib.

Xatırladaq ki, ay ərzində ilk partlayış avqustun 3-də baş verib və bu, son bir ayda Günəşdə qeydə alınan ən güclü partlayış olub — M2.9 bal gücündə. Ardınca qeydə alınan növbəti iki partlayış M1.4 və M2.0 gücündə olub.

Ulusum.az