29 yaşlı tur bələdçisi dağlıq ərazidə yıxılaraq dünyasını dəyişdi

Lerik rayon sakini bədbəxt hadisə nəticəsində ölüb.

Bədbəxt hadisə Astara rayonunun Hamuşam kəndi ərazisində qeydə alınıb.

Belə ki, həmin kənddə turistlərə bələdçilik edən tur rəhbəri Lerik rayonunun Günəşli kənd sakini, 29 yaşlı Rufiz Zamanov ehtiyatsızlıqdan yıxılıb.

Nəticədə, o, baş nahiyəsindən ağır xəsarət alıb. Yaralı Lənkəran Rayon Mərkəzi Xəstəxanasına çatdırılıb.

Lakin həkimlərin səylərinə baxmayaraq, onun həyatını xilas etmək mümkün olmayıb.

Faktla bağlı araşdırma aparılır.

Ulusum.az