İngiltərədə ekskursiya faciəsi: Şagirdlərlə dolu avtobus dərəyə aşdı

İngiltərənin cənub-qərbində yerləşən Somerset bölgəsində orta məktəb şagirdlərini daşıyan bir avtobus ekskursiyadan qayıdarkən təxminən 6 metrlik yamacdan aşıb, tavanı üstə dərəyə yuvarlanıb. Hadisə nəticəsində 1 şagird həlak olub, 2-si ağır olmaqla 21 nəfər yaralanıb.

Exmoor Milli Parkı yaxınlığında baş verən qəza ilə bağlı Avon və Somerset Polisi məlumat yayıb. Minehead Orta Məktəbinin təxminən 60 şagirdini daşıyan avtobusun niyə aşdığı hələ məlum deyil.

Hadisə yerinə 3 təcili yardım helikopteri, 20 təcili tibbi yardım maşını və xilasedicilər cəlb olunub. Yaralılar xəstəxanalara yerləşdirilib, yüngül xəsarət alanlara isə yerində yardım göstərilib.

Ulusum.az