20 il komada yaşayan Səudiyyə şahzadəsi vəfat etdi

Səudiyyə Ərəbistanında kral ailəsinin üzvü Əl-Valid ibn Xalid Əs-Səud vəfat edib. Bu barədə Sabq portalı məlumat yayıb.

“Yuxuda olan şahzadə” kimi tanınan Əl-Valid 20 ildən çox koma vəziyyətində olub. O, 16 yaşında ağır yol qəzası keçirib və güclü kəllə-beyin travması alaraq beynində qanaxma yaranıb.

Həkimlər onun ayılmaq şansının olmadığını bildirirdilər. Lakin atası bu illər ərzində oğlunu süni həyat dəstəyi aparatlarından ayırmaqdan imtina edib. Nəhayət, iyulun 19-da şahzadənin ürəyi dayanıb.

Ulusum.az