Rusiyada deputat Xalid Tağızadə ədalətsiz cəzaya şikayət etdiyinə görə istefaya göndərildi

Rusiyanın Xantı-Mansi Muxtar Dairəsinin Dövlət Duması deputat Xalid Taği-zadənin istefasını qəbul edib. O, daha əvvəl “Yuqra özbəklərin tarixi vətənidir” ifadəsinə görə həm komitə sədrinin müavini vəzifəsindən, həm də maaşdan məhrum edilmişdi.

Rusiya mediasının yazdığına görə, deputatın istefası artıq səsvermədən keçib və qərar yaxın vaxtlarda dərc olunacaq.

Prokurorluq araşdırmasından sonra ekspertlər Taği-zadənin sözlərində ekstremizm əlaməti olmadığını bildirsələr də, onun istefası “idarə aparatının qərarları” ilə əlaqələndirilir.

Mənbələrin fikrincə, səbəblərdən biri də deputatın cəzalandırılmasını ədalətsiz adlandıraraq ictimai şəkildə çıxış etməsi və bununla da deputat intizamını pozması olub.

Ulusum.az