Bakıda motosiklet sürücüsünün təhlükəli hərəkəti - VİDEO

Bakının ən intensiv yollarından biri olan aeroport magistralında motosiklet sürücüsünün qaydaları kobud şəkildə pozması narazılığa və ciddi təhlükəyə səbəb olub.

Ulusum.az xəbər verir ki, motosiklet sürücüsü öz hərəkət zolağını tərk edərək qəfil şəkildə avtomobil yoluna çıxır və digər nəqliyyat vasitələrinin hərəkətini real təhlükə altına atır.

Üeyd edək ki, bu hərəkət saniyələr içində ciddi qəza ilə nəticələnə bilərdi. Belə məsuliyyətsiz davranış, nəinki sürücünün öz həyatını, həm də digərlərinin təhlükəsizliyini risk altına salır.