"Sputnik Azərbaycan" rəhbərliyi azadlığa çıxa bilmədi – Apellyasiya şikayəti rədd edildi

“Sputnik Azərbaycan” İnformasiya Agentliyinin direktoru İqor Kartavıx və baş redaktoru Yevgeni Belousovun azadlığa buraxılması ilə bağlı verdiyi apellyasiya şikayəti Bakı məhkəməsi tərəfindən təmin edilməyib.

Redaksiyanın yaydığı məlumata görə, vəkillərin həbs-qətimkan tədbirinin dəyişdirilməsi ilə bağlı təqdim etdiyi vəsatət qəbul olunmayıb.

“Birinci instansiya məhkəməsinin çıxardığı qərar dəyişməz saxlanıldı. Yoldaşlarımız hələ də həbsdədir”, – deyə agentliyin yaydığı açıqlamada bildirilib.

Qeyd edək ki, hər iki şəxs daha əvvəl polis tərəfindən agentliyin ofisində keçirilən əməliyyat zamanı saxlanılmışdı.

Ulusum.az