Kaliforniyada fişəng anbarı partladı

ABŞ-ın Kaliforniya ştatının Yolo dairəsində fişəng anbarında güclü partlayış baş verib. Partlayışdan sonra ərazi alova bürünüb.

Hadisə Esparto və Madison yaşayış məntəqələri yaxınlığında qeydə alınıb.

Şerif idarəsi insanlara çağırış edərək bildirib:

“Bu ərazidən uzaq durun, xahiş edirik! Yanğınsöndürənlər və xilasedicilər təhlükəsiz şəkildə işlərini görməlidirlər.”

Hadisə yerində 1,6 kilometr radiusunda təxliyə zonası elan olunub.

Partlayışın səbəbləri hələlik məlum deyil, istintaq davam edir.

Ulusum.az