Dünya turuna çıxmışdı, dağlara çırpıldı – Təyyarə qəzası Türkiyəni sarsıtdı!

Təcrübəli pilot Mehmet Demirci təkbaşına dünya səyahətinə çıxmışdı. Ancaq bu arzusunun sonu faciə ilə bitdi... Onun idarə etdiyi M20J tipli təkmotorlu xüsusi təyyarə Bayburt yaxınlığında, dağlıq ərazidə qəzaya uğradı.

Təyyarədə Mehmet Demircidən əlavə bir sərnişin – Hicran Kaya da var idi. Pilot Eskişehirin Sivrihisar rayonundan havaya qalxmış, Rizəyə doğru yol almışdı. Amma qalxışdan sonra təyyarə Erzurum-Trabzon-Bayburt sərhədində naməlum səbəbdən yerə çırpıldı.

“Ölürük, kömək edin!”

Sərnişin Hicran Kaya faciədən dərhal sonra telefonla təcili yardım çağıraraq bu ürəkdağlayan sözləri dedi: “Təyyarəmiz dağa çırpıldı. Harada olduğumuzu bilmirəm. Kömək edin, ölürük!” Bu zəngdən sonra axtarış-xilasetmə işləri dərhal başlayıb.

AFAD, hərbi helikopterlər, polis, jandarma və xilasedici itlər əraziyə səfərbər olunub. Termal kameralı dronlar və gecəgörmə sistemləri ilə dağlıq ərazidə axtarışlar davam edir.

Səssiz səyahətin səs-küylü sonu

Pilot Mehmet Demirci illərlə bu dünya turunun xəyali ilə yaşamışdı. O, təkbaşına səyyah kimi səmaları dolaşmaq, yeni üfüqlər kəşf etmək istəyirdi. Ancaq tale onu yarı yolda qoydu…

Hazırda hər kəs bu qəzanın səbəblərini öyrənmək üçün nəticələri gözləyir. Türkiyə isə ümidlə dua edir – bəlkə bir möcüzə baş verər…

Ulusum.az