Kofein faciəsi: Avstraliyada 32 yaşlı qadın həddən artıq qəbuldan vəfat etdi

Avstraliyada 32 yaşlı Kristina Lakmanın ölüm səbəbi məlum olub – onun bədənində ölümcül səviyyədə kofein aşkarlanıb.

Melburn şəhərində yaşayan və xərçəng tədqiqatçısı olmaq üçün çalışan Kristina Lakman 2021-ci ildə evində ölü tapılıb. İndi açıqlanan məhkəmə ekspertizası nəticələrinə görə, onun həddindən artıq kofein qəbulundan vəfat etdiyi müəyyən edilib.

Lakman ölməzdən əvvəl başgicəllənmə və uyuşma şikayəti ilə təcili yardıma zəng edib. Lakin onun müraciəti təcili hal kimi qeydə alınmadığından, təcili yardım briqadası ancaq 7 saat sonra evə yönləndirilib. Bu müddətdə Kristina hamam otağında keçinib.

Ekspertiza zamanı onun qanında yalnız adi qəhvə ilə əldə edilə bilməyəcək qədər yüksək kofein miqdarı aşkar edilib. Araşdırma nəticəsində məlum olub ki, Lakman əlavə olaraq kofein tabletləri qəbul edib – bunu evinə etdiyi onlayn sifarişlər də sübut edir.

Ulusum.az