Yanğın zamanı 5 uşağın ölümü: Rusiya FHN-dən ağır xəbər

Moskva ətrafında yerləşən Kurovskoe qəsəbəsindəki fərdi evdə baş vermiş yanğın nəticəsində beş uşaq həlak olub.

Bu barədə Rusiya Fövqəladə Hallar Nazirliyinin mətbuat xidməti TASS agentliyinə məlumat verib.

“Yanğın-xilasetmə briqadası hadisə yerinə çatanda, evin 72 kvadrat metr sahəsi tam yanmışdı,” — nazirlik bildirir.

Qeyd olunur ki, xilasedicilər gəlməzdən əvvəl bir qadın xəstəxanaya yerləşdirilmişdi.

“Təəssüf ki, yanğın söndürülərkən 5 uşağın cəsədi aşkar edilib: bir aylıq, bir yaşında, 9, 11 və 17 yaşlarında,” — məlumatda deyilir.

Ulusum.az