“Visla” klubunun investoru Tomas Kokosinski qida boğulması nəticəsində vəfat etdi

Polşanın “Visla” futbol klubunun investoru, milyonçu Tomas Kokosinski 42 yaşında qida boğulması səbəbindən dünyasını dəyişib. Bu barədə wiadomosci.radiozet.pl məlumat verib.

Məlumata görə, iş adamı Polşaya “Visla” klubunun 5 milyon dollarlıq azlıq payını almaq üçün gəlibmiş. Danışıqlar demək olar ki, yekunlaşmaq üzrəymiş, amma faciə baş verib. Krakovdakı bir restoranda nahar zamanı Kokosinski knedliklə boğulub.

Təcili xəstəxanaya aparılan kişiyə süni tənəffüs cihazı qoşulub. Bir neçə gündən sonra isə həkimlər hipoksiyanın (oksigensizliyin) yaratdığı geri dönməz beyin zədələri səbəbindən milyonçunu cihazdan ayırmaq qərarına gəliblər.

Ulusum.az