Qəzaya uğramış Air India təyyarəsindən 2 nəfər sağ çıxdı

Hindistan polisı Ahmedabad aeroportu yaxınlığında Air India şirkətinə məxsus Boeing 787 təyyarəsinin qəzaya uğradığı yerdə iki sağ qalmış sərnişini tapıb. Bu barədə ANI agentliyi məlumat verib.

Air India şirkətinə məxsus sərnişin təyyarəsi iyunun 12-də Mehganinagar bölgəsində, Ahmedabad aeroportuna yaxın ərazidə qəzaya uğrayıb. Hadisə yerində qalın tüstü buludu görünürdü.

Təyyarə Ahmedabaddan Londona uçurdu. Polis bildirir ki, təyyarədə 242 nəfər olub. Yanğınsöndürmə də daxil olmaqla fövqəladə xidmət qrupları dərhal hadisə yerinə yollanıb, News18 telekanalı xəbər verir.

Keçmiş baş pilot, kapitan Sorabh Bhatnagar jurnalistlərə bildirib ki, ilkin versiyaya əsasən, təyyarənin mühərriklərinə çoxlu quşlar çırpılıb və bunun nəticəsində hər iki mühərrik gücünü itirib.

Ulusum.az