Türkiyədə Şərqi Asiyadan gələn ölümcül gənə aşkarlandı

Türkiyədə təhlükəli bir gənə növü aşkar edilib. O, 30-dan çox xəstəlik törədicisini daşıya bilər – bu barədə NTV məlumat yayıb.

Haemaphysalis longicornis adlı bu gənənin Şərqi Asiya mənşəli olduğu ehtimal edilir. O, ev heyvanlarında ciddi xəstəliklərə səbəb ola biləcək virus və bakteriyaları daşımaq qabiliyyətinə malikdir. Həmçinin insanlar üçün də potensial təhlükə yaratdığına inanılır. Bu barədə Tokat Universitetinin biologiya professoru Adem Keskin danışıb.

Professor bildirib ki, bu, Türkiyədə qeydə alınan 56-cı gənə növüdür və ilk dəfə keçən il İstanbul sakini tərəfindən tibbi müəssisəyə təqdim olunub.
“2024-cü ilin sentyabr ayından bəri aparılan tədqiqatlar göstərdi ki, bu gənə təxminən 3-4 il əvvəl Türkiyəyə daxil olub”, – deyə alim qeyd edib.

Ulusum.az