Moskva məhkəməsi ekstremist çağırışlara görə blogeri həbs etdi

Moskvanın Zamoskvoreçye Rayon Məhkəməsi bloger Areq Şepixin barəsində 2 aylıq həbs qətimkan tədbiri seçib.

Bu barədə Ulusum.az TASS-a istinadən xəbər verir.

“Moskva şəhəri Zamoskvoreçye Rayon Məhkəməsinin qərarı ilə istintaq orqanlarının vəsatəti təmin olunaraq Areq Samveloviç Şepixin (Ohanesyan) barəsində iki ay müddətinə həbs qətimkan tədbiri seçilib. O, Rusiya Cinayət Məcəlləsinin 280.2-ci maddəsi (ekstremist fəaliyyətə açıq çağırış) və 282.2-ci maddəsi (nifrət və ya düşmənçilik salma, insan ləyaqətini alçaltma) ilə təqsirləndirilir”, – deyə məhkəmənin mətbuat xidmətindən bildirilib.

İstintaqa görə, Areq Şepixin (Ohanesyan) ekstremist xarakterli çıxışlar yayıb, müsəlmanların dini hisslərini təhqir edib, zorakılığa və ksenofobiyaya çağırışlar səsləndirib, həmçinin azyaşlılara qarşı hədələyici paylaşımlar edib.