Sabirabadda dəhşətli faciə: Yanğın bir ailənin həyatını məhv etdi! FOTO VİDEO

Sabirabad rayonunun Muğan Gəncəli kəndində baş verən dəhşətli yanğın bir ailənin həyatını alt-üst edib. Fövqəladə Hallar Nazirliyinin (FHN) qaynar xəttinə daxil olan ilkin məlumata əsasən, kənd sakini, 1956-cı il təvəllüdlü İmanova Bahar Niyaz qızına məxsus fərdi yaşayış evində güclü yanğın baş verib.


Əraziyə dərhal FHN-in xilasetmə qüvvələri cəlb olunub. Təəssüf ki, 240 kvadratmetr sahəsi olan, 6 otaqlı və 2 mərtəbəli ev tamamilə yanıb. Yanğın zamanı ailənin dörd üzvü – ev sahibinin oğlu, 1989-cu il təvəllüdlü İmanov Tural Ağasəf oğlu, onun həyat yoldaşı, 2002-ci il təvəllüdlü İmanova Safalı Qorxmaz qızı və onların iki körpəsi – 2020-ci il təvəllüdlü İmansoy Osmanbəy və 2024-cü il təvəllüdlü İmansoy Esma həlak olublar.


Bahar Niyaz qızı və digər oğlu, 1983-cü il təvəllüdlü İmanov Ruslan Ağasəf oğlu möcüzə nəticəsində sağ qalaraq yanğından xilas olunublar.

Yanğın yanğınsöndürənlər tərəfindən tam söndürülüb.


Ulusum.az