Nigeriyada idmançıları daşıyan avtobus körpüdən çaya yuvarlandı – 20 ölü

Nigeriyanın Kano ştatında baş verən ağır yol-nəqliyyat hadisəsi nəticəsində azı 20 nəfər həyatını itirib. “Punch” qəzetinin məlumatına görə, avtobus milli idman festivalından qayıdarkən körpüdən çaya düşüb.

Kano Dövlət İdman Komissiyasının sədri Umar Faggenin sözlərinə görə, nəqliyyat vasitəsində ümumilikdə 30 idmançı olub. Hadisə Kura yaşayış məntəqəsi yaxınlığında baş verib.

Hazırda axtarış-xilasetmə işləri davam edir. Yaralılar xəstəxanalara yerləşdirilib.

Ulusum.az