ARB-də "Elgizlə izlə" verilişində qalmaqallı açıqlamalar Audiovizual Şuradan xəbərdarlıq!

21 may 2025-ci ildə yayımlanan "Elgizlə izlə" verilişində aparıcı və qonaqların qadın azadlığı və maliyyə müstəqilliyi ilə bağlı səsləndirdiyi fikirlər cəmiyyətdə geniş rezonans doğurdu. İfadələrdə qadınların azad buraxılmasının ailənin dağılmasına səbəb olduğu və qadını tanımaq üçün ona pul və azadlıq verilməsinin lazım olduğu kimi mübahisəli fikirlər səsləndirildi.

Bu açıqlamalar ictimaiyyət tərəfindən tənqid olundu və gender bərabərliyi prinsiplərinə zidd hesab edildi. Nəticədə, Azərbaycan Respublikası Audiovizual Şurası "ARB" kanalına xəbərdarlıq edərək, bu cür halların təkrarlanmasının qarşısını almağı və yayım məzmununa ciddi nəzarət etməyi tövsiyə etdi.

Şura, gələcəkdə bu tip pozuntuların təkrarlanacağı təqdirdə daha ciddi sanksiyaların tətbiq olunacağını bildirib. Bu hadisə, televiziya proqramlarının məzmununa diqqətli yanaşmanın vacibliyini bir daha gündəmə gətirdi.

R.Daşdəmirova

Ulusum.az