Terror şəbəkəsi ifşa olundu: Azərbaycan vətəndaşları ələ keçirildi və ölkəyə gətirildi

Azərbaycan vətəndaşlarından ibarət terrorçu dəstə ifşa olunub. Dövlət Təhlükəsizliyi Xidmətinin araşdırmalarına əsasən, onlar ölkənin şimalında yeraltı sığınacaqlar yaradaraq silah və partlayıcılarla terror aktlarına hazırlaşıblar.


2024-cü ildə Pakistan-Əfqanıstan sərhədinə qaçan Vüqar Nəcəfli, Camal Gözəlov, Tofiq Yusifli və Dadaş Həşimov beynəlxalq terror təşkilatları ilə əlaqədə olublar.


Onlar xaricdə keçirilən döyüş təlimlərində iştirak ediblər. Əməliyyat nəticəsində həmin şəxslər tutulub və Azərbaycana gətirilib.


Tofiq Yusifli və Dadaş Həşimovun fəaliyyətlərini maliyyələşdirən Mir Cavad Hüseynli və Tural Ağayev də saxlanılıb.


Onların hamısına qarşı terrorçuluğu maliyyələşdirmə və digər maddələrlə cinayət işi açılıb, barələrində həbs qətimkan tədbiri seçilib.



Ulusum.az R.İkramlı