Qatarın qarşısına çıxan şəxs ağır yaralandı – ADY-dən ciddi xəbərdarlıq

Dünən axşam saatlarında Zabrat-2–Sabunçu istiqamətində hərəkətdə olan sərnişin qatarı faciəvi hadisə ilə qarşılaşıb. Qəfil relslərin üzərinə çıxan bir nəfər qatarın qarşısında qalıb.

“Azərbaycan Dəmir Yolları” QSC-nin yaydığı məlumata görə, maşinist tərəfindən dərhal təcili tormozlama həyata keçirilsə də, məsafə kifayət etməyib və toqquşma qaçınılmaz olub.

Hadisə yerinə dərhal təcili tibbi yardım briqadası çağırılıb. Yaralanan şəxs xəstəxanaya aparılıb, vəziyyəti barədə məlumat açıqlanmayıb.

“ADY bir daha vətəndaşları xəbərdar edir – dəmiryolu xətlərindən yalnız müəyyən olunmuş keçidlər vasitəsilə istifadə edin! Öz həyatınızı təhlükəyə atmayın,” – deyə qurumun müraciətində bildirilir.

Ulusum.az