“Qəzza üçün etdiyini” deyən Rodriges ölüm cəzası ilə üz-üzə

ABŞ Ədliyyə Nazirliyi Vaşinqtonda İsrail səfirliyinin iki əməkdaşını qətlə yetirməkdə şübhəli bilinən Çikaqolu Elias Rodrigesə qarşı ittiham irəli sürüb. ABŞ mediasına istinadən “İnterfaks” xəbər verir ki, ona qarşı irəli sürülən maddələrdən biri üzrə ölüm cəzası nəzərdə tutulur.

Rodriges birinci dərəcəli qətldə (iki epizod), xarici rəsmi şəxslərin ölümünə səbəb olmaqda və cinayət törədərkən odlu silahdan istifadə etməkdə təqsirləndirilir. Jurnalistlərin məlumatına görə, şübhəli bildirib ki, bu əməli “Fələstin və Qəzza zolağı üçün” törədib.

İttiham sənədlərində deyilir: “Bu cinayət odlu silahdan istifadə ilə törədilib və xarici diplomatlara qarşı yönəlib”.



Ulusum.az