ABŞ-də Dəhşətli Tornado: 20-dən Çox İtki, Minlərlə Ev Dağıldı

ABŞ yenidən təbiət fəlakəti ilə üz-üzə qaldı. Güclü tornado nəticəsində 20-dən çox insan həyatını itirib, yüzlərlə insan isə evsiz qalıb.

Kentukki ştatında azı 14 nəfər, Missuri ştatında isə 7 nəfər, o cümlədən Sent-Luis şəhərində 5 nəfər həyatını itirib.

Şəhər rəsmiləri bu fəlakəti “tarixin ən dağıdıcı fırtınalarından biri” kimi dəyərləndiriblər. Tornado nəticəsində təxminən 5 min binaya ziyan dəyib, bir çox yaşayış sahələri tamamilə yararsız hala düşüb.

Hazırda ərazilərdə axtarış-xilasetmə işləri davam edir. Hadisə bölgəsinə fövqəladə xidmətlər və yardım təşkilatları cəlb olunub.

✍️"Ulusum".az