Özbəkistanda kimya zavodunda ammonyak sızması baş verib

Milli Qvardiyanın Fərqanə vilayəti üzrə İdarəsi Kokand şəhərində baş vermiş insidentlə bağlı açıqlama yayıb.



Verilən məlumata görə, “İndorama Kokand Fertilizers & Chemicals” müəssisəsində maye ammonyak vaqondan xüsusi konteynerə köçürülən zaman şlanqda çat yaranıb. Nəticədə ammonyakın təxminən 10 faizi müəssisənin ərazisinə sızıb.



Müvafiq təhlükəsizlik tədbirləri dərhal görülüb, hadisə zamanı xəsarət alan olmayıb. Bütün vətəndaşlar və zavod işçiləri hadisə yerindən təxliyə edilib.



Hazırda insidentin səbəbləri araşdırılır.

Kun.uz xəbər yayımlayıb.