Dövlət Sərhəd Xidmətinin Mətbuat Mərkəzinin Məlumatı

Mayın 11-də saat 04:00 radələrində Dövlət Sərhəd Xidmətinin “Horadiz” sərhəd dəstəsinin xidməti ərazisində, Xudafərin körpüsü istiqamətində naməlum şəxslərin şübhəli hərəkətləri müşahidə olunub.

İran İslam Respublikası ərazisindən 4 nəfər sürünərək körpünün Azərbaycan hissəsinə keçərək qazıntı işlərinə başlayıblar.

Sərhəd naryadının müdaxiləsi nəticəsində onlardan biri Araz çayına atılıb, digərləri isə İran ərazisində saxlanılıb.

Hadisə yerində qazma alətləri aşkarlanıb və hər iki tərəfin iştirakı ilə axtarış və istintaq tədbirləri davam etdirilir.