Dərəyə yuvarlanan avtobus 21 can aldı – Şri-Lankada FACİƏ

Şri-Lankanın Kotmale bölgəsində faciə baş verib. Təxminən 50 nəfəri daşıyan sərnişin avtobusu hərəkətdə olarkən dərəyə yuvarlanıb. Qəza nəticəsində 21 nəfər həyatını itirib, 14 nəfər isə müxtəlif dərəcəli xəsarət alıb.

Fəlakət Kolombodan 140 kilometr aralıda, dağlıq ərazidə baş verib. Hadisənin səbəbləri hələ ki məlum deyil, lakin yerli hakimiyyət orqanları araşdırmalara başlayıb.

Şri-Lankanın Nəqliyyat və Avtomobil Yolları nazirinin müavini Prasanna Qunassena artıq mətbuata açıqlama verib – bu, sadəcə qəza deyil, böyük bir dərddir.

✍️"Ulusum".az