2025-ci ilin aprel ayının icmalı

2025-ci ilin aprel ayında Dövlət Sərhəd Xidməti tərəfindən həyata keçirilən tədbirlər nəticəsində dövlət sərhədinin etibarlı mühafizəsi təmin edilmiş, qaçaqmalçılıq, qeyri-qanuni miqrasiya və narkotik vasitələrin qanunsuz dövriyyəsinə qarşı mübarizə tədbirləri davam etdirilmişdir.

Əsas nəticələr:

- Dövlət sərhədini pozduqlarına görə 55 nəfər saxlanılmışdır.
- İran İslam Respublikasından 2 pilotsuz uçuş aparatı vasitəsilə narkotik vasitələrin keçirilməsinin qarşısı alınmışdır.
- Sərhəd naryadına qarşı odlu silahdan istifadə edən 2 sərhəd pozucusu zərərsizləşdirilmişdir.
- Saxtalaşdırılmış sənədlərlə dövlət sərhədini keçməyə cəhd göstərən 22 nəfər saxlanılmışdır.
- Sərhəd rejim qaydalarını pozduqlarına görə 804 nəfər saxlanılmışdır.
- Axtarışda olan 311 nəfər saxlanılaraq aidiyyəti orqanlara təhvil verilmişdir.
- Ölkədən çıxışı qadağan edilmiş 507 nəfərin ölkəni tərk etməsinin, girişi qadağan olunan 21 nəfərin isə ölkəyə daxil olmasının qarşısı alınmışdır.
- 228 kiloqram 925 qram narkotik vasitə və 14,965 ədəd narkotik tərkibli güclü təsiredici vasitə aşkarlanaraq dövriyyədən çıxarılmışdır.
- Ümumi dəyəri 4 milyon 793 min 692 manat olan qaçaqmal, o cümlədən dron, patron, dərman vasitələri, spirtli içki və tütün məmulatları aşkar olunaraq götürülmüşdür.

Dövlət Sərhəd Xidməti tərəfindən həyata keçirilən bu tədbirlər ölkənin sərhəd təhlükəsizliyinin təmin olunmasına və qanunsuz fəaliyyətlərin qarşısının alınmasına yönəlmişdir.

Dövlət sərhədlərimizin еtibarlı mühafizəsinin təşkili istiqamətində tədbirlər davam еtdirilir.

Dövlət Sərhəd Xidmətinin Mətbuat Mərkəzi