"Rus qaynana" romanının müəllifi Aleksandra Frelih sirli qətlin qurbanı oldu

Almaniyanın Hamburq şəhərində Elba çayında yerləşən sakit bir üzən ev, bu günlərdə böyük bir faciənin səhnəsinə çevrildi. Tanınmış yazıçı, "Mənim rus qaynana və digər fəlakətlər" romanının müəllifi Aleksandra Frelih, evində qətlə yetirildi. 58 yaşlı yazıçının cəsədi oğlu tərəfindən tapılıb, dərhal hüquq-mühafizə orqanlarına məlumat verilib.

İlkin araşdırmalar Frelihin güllə yarası nəticəsində öldüyünü göstərib. Polis hadisə yerində genişmiqyaslı əməliyyat apararaq dalğıcların da köməyindən istifadə edib. Lakin hüquq-mühafizə orqanları istintaqın maraqları naminə hadisənin digər təfərrüatlarını açıqlamaqdan imtina ediblər.

Aleksandra Frelih 2012-ci ildə şəxsi həyat təcrübələrinə əsaslanaraq yazdığı romanı ilə böyük rezonans doğurmuşdu. Əvvəllər isə o, Ukraynada jurnalist kimi çalışırdı.

✍️"Ulusum".az