Qazaxda mina partlayışı nəticəsində ANAMA əməkdaşı xəsarət alıb

Aprelin 28-də saat 09:45 radələrində Qazax rayonunun işğaldan azad edilmiş Qızılhacılı kəndi ərazisində mina partlayışı baş verib.

Hadisə zamanı ANAMA əməkdaşı, 1985-ci il təvəllüdlü Paşayev Elnur Oruc oğlu xəsarət alıb. TƏBİB-in məlumatına görə, o, Qazax Rayon Mərkəzi Xəstəxanasına hospitalizasiya olunub və alın nahiyəsinin, göz ətrafı toxumalarının, burunun çapılmış yarası diaqnozu ilə müalicə alır. Yaralının vəziyyəti stabil qiymətləndirilir, həyati təhlükəsi yoxdur.


✍️"Ulusum".az