Zəlzələ şoku: İstanbulda sakinlər pəncərədən atılmağa məcbur olublar

İstanbul qubernatorluğunun məlumatına görə, 6,2 bal gücündəki zəlzələ nəticəsində 151 nəfər yaralanıb, ölən yoxdur.

"Zəlzələ nəticəsində hündürlükdən tullanaraq zədələnmiş 151 nəfərin müalicəsi davam edir. Onların həyatı təhlükə altında deyil. Ölən yoxdur. Şəhərdə ümumilikdə yaşayış binalarında dağıntılar qeydə alınmayıb. Fatih rayonunda tərk edilmiş bir bina uçub. Hadisə nəticəsində heç kim həlak olmayıb və ya zədələnməyib," – deyə Habertürk kanalı məlumat yayıb.

Həmçinin, administrasiyadan bildirilib ki, zəlzələdən sonra "enerji təchizatı, qaz infrastrukturu, su təchizatı və kanalizasiya ilə bağlı heç bir mənfi nəticə qeydə alınmayıb".

✍️"Ulusum".az