Azərbaycanda saxlanılan rusiyalı hərbi qulluqçu ölkəsinə təhvil verildi

1997-ci il təvəllüdlü Rusiya vətəndaşı Savlatov Sotim Zuxuroviç, hərbi xidmətdən yayınmaqda təqsirləndirilərək Rusiya tərəfindən beynəlxalq axtarışa verilmişdi.

O, cari ilin yanvarında Azərbaycanda saxlanılıb və barəsində həbs qətimkan tədbiri seçilmişdi.

Rusiya Baş Prokurorluğunun müraciəti əsasında, Azərbaycan Respublikası Baş Prokurorluğu onun ekstradisiyasına razılıq verib.

“Mülki, ailə və cinayət işləri üzrə hüquqi yardım və hüquqi münasibətlər haqqında” Konvensiyaya əsasən qəbul edilən qərara uyğun olaraq, Savlatov Ədliyyə Nazirliyinin xüsusi konvoyu ilə Rusiya səlahiyyətli orqanlarına təhvil verilib.



✍️ "Ulusum".az