Havada qorxulu anlar: təyyarənin mühərrikinə dovşan düşdü

United Airlines aviaşirkətinə məxsus Boeing 737-800 təyyarəsi Denver–Edmonton marşrutu üzrə uçarkən mühərriklərdən birinə dovşan düşdüyü üçün təcili eniş edib. “Ulusum”.az xəbər verir ki, bu barədə ABC News məlumat yayıb.

Telekanalın məlumatına görə, mühərrikdə yanğın başlayıb. Təyyarədə 153 sərnişin və 6 ekipaj üzvü olub.

Ekipaj təcili eniş qərarı verib və təyyarə Denver Beynəlxalq Hava Limanında uğurla eniş edib. Hadisə nəticəsində xəsarət alan olmayıb. Sərnişinlər Edmonton şəhərinə başqa bir təyyarə ilə yola salınıblar.

Dovşanın mühərrikə necə düşdüyü hələlik məlum deyil. Hadisə ilə bağlı araşdırma aparılır.