Dollar təhlükə ALTINDA - EKSKLÜZİV

Yaxın gələcəkdə dollar defolta uğrayacaq.

Bu barədə rusiyalı iqtisadçı ekspert Mixail Xazin xəbərdarlıq edib.
O bildirib ki, yaxında yalnız bir maliyyə aktivi ən böyük dəyərə malik olacaq.

Ekspert izah edib ki, bu il beynəlxalq arenada cərəyan edən hadisələrin pik həddə çatacağı istisna deyil. Bu gərginliyin iqtisadiyyata da birbaşa təsiri də danılmazdır.

Ekspertin fikrincə, iqtisadi böhran ilk olaraq ABŞ-da başlayacaq.
Xazinin proqnozlarına əsasən, dollar ən dib həddə enəcək. bu zaman isə qızılın dəyəri birə-beş qalxacaq. Nəzərə alsaq ki, Rusiya əsas qızıl istehsalçısıdır, bu zaman mövcud gedişat şimal dövlətin xeyrinə olacaq.

Qeyd edək ki, Hazırda ABŞ və Avropa ölkələri Rusiyaya qarşı sanksiyaları genişləndirməklə onu "vurmağa" çalışır.

Bir həqiqət də var ki, nəhəng Asiya ölkələri Rusiya ilə ticarət dövriyyələrini genişləndirir. Xüsusilə bazara münasib qiymətə təklif olunan Rus qızılı onlar üçün cəlbedicidir.

Rəşad Ələkbərov