ABŞ-ın Yəməndəki hava zərbələri: Gərginlik artır

"Ulusum".az BBC-yə istinadən xəbər verir ki, husilərin səhiyyə nazirliyi, ABŞ-ın Yəmənə endirdiyi hava zərbələri nəticəsində 53 nəfərin, o cümlədən 5 uşağın həyatını itirdiyini açıqlayıb.

ABŞ, husilərin Qırmızı dənizdə gəmiçiliyə hücumlarını səbəb göstərərək şənbə günü "həlledici və güclü" hava zərbələrinə başladığını bildirib.

Vaşinqton, ölənlər arasında husilərin bəzi əsas fiqurlarının olduğunu iddia etsə də, üsyançılar bunu təsdiqləməyib.

Husilərin lideri Əbdül Malik əl-Husi isə ABŞ hücumlarını davam etdirdiyi halda Qırmızı dənizdəki ABŞ gəmilərinə hücum edəcəklərini bəyan edib.

Rəxşəndə İkramlı