Bloqer çətin anlar yaşadı - ERMƏNİ AVİAŞİRKƏTİNƏ GÖRƏ... - EKSKLÜZİV

İtaliyadan ölkəsinə qayıtmaq istəyən rusiyalı xanım bloger çətin anlar yaşayıb.

Ulusum.az xəbər verir ki, bu barədə xanım bloqqer hekayəsini instaqramda paylaşım edib.

Belə ki, ölkəsinə qayıtmaq istəyən rusiyalı bloqer xanım Ermənistan aviaşirkətinin günahı ucbatından İtaliyada qalmalı olub.

Mariya bildirib ki, o, Milandan Moskvaya İrəvan vasitəsilə uçmalı idi. Uçuş “FlyOne Armenia” şirkəti tərəfindən həyata keçirilib. “Daşıyıcının saytında uçuş haqqı 40 avro (4000 rubl) yazıldığı halda, hava limanında məndən qeydiyyat üçün 150 avro (15 min rubl) tələb etdilər”, - deyə sərnişin qeyd edib.

Onun sözlərinə görə, üzərində o qədər vəsait olmadığına görə, çətin vəziyyətdə qalıb. Çünki erməni aviaşirkəti daşınma və baqaj üçün ümumilikdə, blogerdən 200 avro (20 min rubl) istəyib.
“Xarici kartımda bu qədər məbləğ yox idi, mən Rusiya kartından köçürməni gözləyərkən isə qeydiyyat başa çatdı”, -deyə o əlavə edib.

Nəticədə, bloqer Milana qayıtmaq üçün yeni bilet almalı olub. Bu durum rusiyalı qadının izləyicilərinin qəzəbinə səbəb olub.

Onlar istehza ilə deyiblər: "Şirkətin FlyOne adlandırılması təsadüfi deyilmiş, çünki sərnişinlər həmin aviaşirkətlə bir dəfədən artıq uçmaq istəməzlər".

Rəşad Ələkbərov