17 yaşlı şagird müəllimini BIÇAQLADI

Türkiyədə şagird müəllimini bıçaqlayıb.

ULUSUM.az xəbər verir ki, Ankarada 17 yaşlı orta məktəb şagirdi məktəbə elektron siqaret gətirməsi barədə ailəsinə məlumat verən müəllimini ayağından bıçaqlayıb.

Məktəbin birinci mərtəbəsindəki pilləkəndə pusquda duran şagirdin hücum anı təhlükəsizlik kamerasına anbaan düşüb.

Xəsarət alan müəllimə ilkin tibbi yardım göstərilib. Daha sonra təcili tibbi yardım maşını ilə xəstəxanaya göndərilib.

Müəllim müalicədən sonra evə buraxılıb.

Hadisə ilə bağlı araşdırmanın davam etdiriləcəyi bildirilir.